“Sıra səndə” məndədir!

May 9, 2008 15:43
Həsənəlizadə Ramin

Bizim hörmətli marketoloqumuz, Vüsal Qəmbərov məni də qatdı bu oyuna. Suallar da get-gedə artır haa, öz aramızdı!

1. Adın və Soyadın
Ramin Həsənəlizadə

2. Təvəllüdün
08.08.1979

3. Nə ilə məşqulsan (sənət, peşə..)?
İT sahəsində işləyirəm

4. Harada yaşayırsan və hansı şəhərdə yaşamaq istərdin?
Rusiyanın Sankt-Peterburq şəhərində yaşayıram, amma Bakıda yaşamaq istəyirəm. İnşallah yaxın zamanlarda gələcəm ora.

5. Yaşam fəlsəfənizi təşkil edən sözlərdən, cümlələrdən biri?
Həmişə düz, haqlı olmaq.

6. Sənin üçün bloq nədir?
Blog, əlavə texniki məlumat olmadan, öz istədiyiniz məlumatları, öz istədiyiniz şəkildə yazan istifadəçilərin yaratdığı, gündəliyə bənzər web saytıdır.))
Bloq mənim üçün şəxsi KİV-dir. Yəni mən burada öz fikirlərimi bütün dildaşlarımla bölüşə bilərəm.

7. Bloq həyatında nə qədər və necə bir yer tutur?
Deyə bilmərəm ki, bloqsuz yaşaya bilmərəm. Sadəcə, hal-hazırda bloq yazmağa marağım var. Bloq həyatımda nə birinci, nə də axrıncı yer tutur, hardasa ortalarda.

8. Nəyə görə bloq yazırsan?
Niyə də yazmayım ki?! Sözüm var deyirəm, yazıram.

9. Fərz edək ki, Allah sənə öz xalqının konkret bir xasiyyətini əlindən almaq qüdrəti verdi. Onun hansı cəhətini ləğv edərdin?
Paxıllığı.

10. Sizcə, hər bir insan öz cütünü axtararkən gələcək həyat yoldaşından daha çox nə umur?
Hər bir insan nə umursa bimirəm. Mən — yemək bişirsin, paltar yusun, ev yığışdırsın.)) He-he, zarafat. Qarşılıqlı anlayış (Vüsal demişkən), hörmət, sadiqliq. Ümumiyyətlə, bir sözlə deyə bilməcəyim çox şey.

11. Öz həyatınızdan nəyi çıxarmaq və nəyi əlavə etmək istərdiniz?
Çıxarılası elə bir şey yoxdur, yəni şükür Allaha. Əlavə etməyə qalsa, çox şey əlavə etmək istərdim. Bu siyahı sonsuzdur və onu da bilirəm ki, nəyəsə nail olan kimi, yenə də nəsə istəyəcəm. Məncə, insanın təbiəti elədir, həyatda həmişə nəsə çatışmır. Məqsədimizə çatanda isə, qarşımıza yeni məqsəd qoyuruq. Buna görə həyat belə maraqlıdır.

12. İndiki ağıl və dünyagörüşü yeniyetməlik vaxtı olsaydı, o zaman hansı peşəni seçərdiniz?
O vaxt seçdiyim peşəyə görə peşman deyiləm. Amma, indi, əlavə olaraq başqa ixtisas üzrə də ikinci ali təhsil almaq istərdim.

13. Sizcə, pulun hansı yolla qazanılmasının fərqi varmı?
Halal pul hamsından yaxşıdır.

14. Master Yoda kimdir? Ona münasibətiniz?
Yod ustası. Münasıbətim — əla! Yaralarımızı yodlayırıq ki, tez sağalsın. Yod ustası olmasa, yod da olmaz, yaralara infeksiya düşər, qanımız zəhərlənər, ölərik. Əla, əlbəttə əla!

15. Millət olaraq Tarix dərsindən nəsə öyrənə bilirikmi?
İnanmaq istəyirəm ki, oyrənirik.

16. Azərbaycan futbolunun inkişafının reseptini bilirsənmi?
Futbolu sevmirəm, resepti də bilmirəm. Amma, təxmin edə bilərəm ki, başqa sahələrdəki kimi, peşəkarları cəlb etməklə irəliləyiş etmək olar. Əsas diqqət isə, gənc idmançılara yönəlməlidir.

17. Hansı millətin nümayəndəsi olmaq istiyərdin? Niyə?
Mən azərbaycanlıyam! Niyəsi yoxdur.

Mən də bu oyuna Qəhrəmanov və безумец nikli bloqçuları dəvət edirəm və bir neçə sual da əlavə edirəm.

18. Evinizin ünvanı?
19. Evinizdə pulu və qiymətli əşyaları hara qoyursnuz?

Zarafat edirəm.))
Suallarım isə budur:

18. Hal-hazırda hansı kitabı oxuyursunuz?
19. Hansı dilləri bilirsiniz və hansılarını bilmək istərdiniz?