Dünən, Azart — rəqəmsal incəsənət birliyi adlanan Azərbaycan dizaynerlər forumunda bir gənc, istedadlı və qabiliyyətli dizayner Samir Hüseynovla AzNet termini barəsində mübahisəmiz oldu. Söhbət ondan başladı ki, AzNet anlayışını kim necə başa düşür və əslində bu termin nə məna verir. Biz təyin etmək istəyirdik ki, AzNet deyəndə hansı saytları nəzərdə tuturuq. Nə isə, əgər sizə maraqlı olsa, forumdaki mübahisəmizi Azart.az-da oxuya bilərsiniz. Burda isə mən, AzNet anlayışı haqqında öz fikirlərimi sizə çatdırmaq istəyirəm. Yəni, bu termini mən necə başa düşürəm.

Azərbaycan alimi, Azərbaycan Respublikası Milli Elmlər Akademiyası Şamaxı Astrofizika Rəsədxanasının əməkdaşı Həsənəlizadə Əsgər Hüseyn oğlu tərəfindən universal kosmoloji sabit üzə çıxarılmış və Azərbaycan əlifbasının “Ə” hərfi ilə işarə olunmuşdur.

AZN nə deməkdir? Pullar dəyişildikdən bəri mən bu haqda çox fikirləşmişəm, amma hələ də, özüm üçün düz-əməlli izahat tapa bilmədim. Bizim yeni pul vahidinə nədənsə AZN deyirlər. Bütün reklamlarda, banklarda, dükanlarda, hər yerdə AZN yazılıb. Yata bilmirəm, yeyə bilmirəm, arıqlayıb gedirəm fikirləşə-fikirləşə ki, görəsən bu AZN nə deməkdir. Bəs yaxşı, onda pulun üstündə niyə manat-qəpik yazılıb? Bəlkə, gözlərim zəif görür, AZN əvəzinə manat oxuyuram? Xeyir. Bu deyəsən, bizim yeni adətimizdir ― pulumuza mütləq bir ad qoşmalıyıq. Şirvan-məmmədlər ləğv olundu, oldu AZN. Köhnə pulda milli motivlər və görkəmli şəxsiyyətlərimizin şəkilləri var idi, yəqin ona görə də pullara milli adlar qoymuşduq: Şirvan, Məmməd, Nizami. İndi isə, pulumuzu oxşatmışıq avroya, gərək ona uyğun bir ad da qoşaq. Görəsən niyə elədir? Manat sözü pisdir ki? Məncə, iş manat sözünün pis olub-olmamağında deyil. Biz ABŞ dollarına “göy” deyirik, Russiyada yaşayan azərbaycanlılar rubla manat deyirlər. Yəqin ki, bu bizim milli xüsusiyyətimizdir ― hər şeyə bir qulp qoşmalıyıq.

Bu yaxınlarda maraqlı bir kitab oxudum ― Donald Normanın “Adi əşyaların dizaynı” (Donald A. Norman “The Design of Everyday Things” ingl.; Дональд А. Норман “Дизайн привычных вещей” rus.) kitabını. Bu kitab haqqında eşitdiklərim və oxuduqlarım bir-neçə müsbət rəy, məndə xeyli maraq və onu oxumaq həvəsini oyatdı.