1922-ci ildə Azərbaycanda “latınlaşma” kampaniyası başlandı, yəni, ərəb əlifbasının əsasında olan əlifbamızın əvəzinə, latın əlifbasının əsasında olan yeni əlifbaya keçmə prosesi. Bu proses 1929-cu ildə yeni əlifbanın rəsmi qəbulu ilə nəticələnmişdir. Yeni əlifba qəbul olunan kimi, Azərbaycanda, o zaman, əsas nəşriyat olan “Azərnəşr” tərəfindən, kütləvi miqdarda kitab nəşr olunmağa başlandı. Təbii ki, bütün bu kitablar üçün kitab üzü və rəsmlər lazım idi. Həmən tərtibat işlərini, “Azərnəşr”-lə əməkdaşlıq edən Azərbaycan qrafik rəssamları görmüşdülər. Onlar Hacıyev Əmir, Xalıqov Qəzənfər, Knit Ludviq, Mustafayev Rüstəm, Vlasov Mixail, Zeynalzadə Xalid və başqaları olublar. Beləliklə, Azərbaycan-latın tipoqrafikasının əsası qoyulmuşdu.

Həmən kitabların bəzilərinin üzlərini və rəsmlərini burada sizə təqdim edirəm. O vaxtkı kitabları görmək maraqlıdır, deyilmi? Yeri gəlmişkən, o vaxtın latın əlifbası indikindən bir az fərqli imiş. Nə isə, buyurun, özünüz baxın (43 şəkil):