Bu gün səhərdən bəri Azərbaycanın bir neçə rus dilli xəbərlər saytlarına girə bilmirəm. Rusiyada yaşadığım üçün, o saat şübhələndim ki, Rusiyada bu saytlara “ban” qoyulub. Bu saytlar aşağıdakılardır:

Day.az

Novosti.az

Newsazerbaijan.ru

Lakin bir neçə araşdırmalardan sonra məlum oldu ki, bu saytlar “hack” olunub. Digər saytlar isə, normal işləyirlər. Məsələn Apa.az, 1news.az, Anspress.com və başqaları. Hazırda Day.az-ın əsas səhifəsində bu məlumatı oxumaq olar: “Rusiyanın xüsusi xidmətləri Day.az serverlərinə hücum ediblər”. Originalını Day.az saytının əsas səhifəsində oxumaq olar (rusca).

Bu yaxınlarda hər gün izlədiyim bloqların birində məşhur xəbərlər portalı olan Day.az-la əlaqədar maraqlı bir məlumat oxudum. Oxatan.com bloqu Webxana.com bloquna istinad edərək məlumat verirdi ki, Day.az Mail.ru reytinqinin qaydalarını pozduğuna görə, həmən reytinqdən çıxarılıb. Eyni zamanda Oxatan.com bloqu təxmin edir ki, Day.az-ın reytinqdən çıxarılmasının əsl səbəbi, onun Mail.ru-nun əleyhinə keçirtdiyi aksiyanın əvəzində Mail.ru-nun ona qisasıdır. Bundan əlavə, Oxatan.com, bu mövzu barəsində müzakirə ilə tanış olmaq üçün online marketinq jurnalı Mak.az-ın forumunu da ziyarət etməyi təklif edir. Bu müzakirədə Day.az-ın rəhbəri Elnur Baimov da Editor niki altında iştirak edir.