Bu yaxınlarda bir yazı yazmışdım — “Bloqu necə tanıtmalı”, bloqumun daimi oxucularının yəqin ki, yadındadır. Bu yazı bəzi bloqçular tərəfindən bəyənildi və müsbət qiymətlər aldı. Hətta, Azeriblog.com saytının rəhbəri və məşhur Azərbaycan bloqçusu Fərhad Əsgərzadə bu yazıya Azeriblog.com saytının əsas səhifəsində reklam yerləşdirdi. Çox sağ olsun!

İndi istəyirəm həmən reklamın nəticələri haqqında qısa hesabat verim. Reklam sırf “Bloqu necə tanıtmalı” yazısına verilmişdir və nəticədə bu yazı bloqumda ən çox oxunan yazı oldu və ona xeyli şərh yazıldı. Bu reklam Azeriblog.com saytının əsas səhifəsində carı ilin iyul ayının 21‑dən etibarən 27‑nə kimi nümayiş olundu, yəni bir həftə ərzində. Qeyd edim ki, mənim bloqum məşhur deyil və ziyarətçiləri çox azdır. Reklamdan qabaq isə ziyarətçilərin sayı lap az idi, belə deyək,  gündə 5 – 10 nəfər (özüm də daxil olmaqla) ziyarətçi olar-olmazdı. Reklam verildikdən sonra isə, ziyarətçilərin sayı kəskin surətdə artdı. Reklamın nümayiş olunduğu günlərdə ziyarətçilərin sayı gündə 30 – 40 nəfər təşkil edirdi. Bu qısa reklam kampaniyası yalnız “Bloqu necə tanıtmalı” yazısını təqdim etsə də, ümumiyyətlə, bloqumun tanınmasına və ziyarətçilərinin artmasına xeyli yardım etdi. Buna görə də Fərhad Əsgərzadəyə bir daha öz minnətdarlığımı bildirirəm. Hazırda, artıq reklam yığışdırıldıqdan sonra, bloqumun gündəlik ziyarətçilərinin sayı 15 – 25 nəfərdir. Yəni reklamın müsbət təsiri göz qabağındadır. Bunu rahat görmək üçün bir balaca cədvəl hazırlamışam:

Azərbaycanın bloqosferasında və ümumiyyətlə, virtual aləmində tanınmış MarketoBlog-un müəllifi, bizim hörmətli marketoloqumuz Vüsal Qəmbərov mənə marketinq haqqında yazmağı təklif etdi, sağ olsun mövzu üçün! Təəssüf ki, mən marketoloq deyiləm və marketinq haqqında savadlı, maraqlı və faydalı məqalə yaza bilməyəcəyəm, bu işdə Vüsal bəyə çata bilmərəm. Yazılarımın birində isə, söz vermişdim ki, bloqlar haqqında yazacağam. Bu yazım nə bloqlar haqqındadır nə də marketinq haqqında, bu yazı bloq marketinqi haqqındadır. Yəni bloqu necə tanıtmalı, qabağa çəkməli.

Deməli belə: mən yazımda söhbət açmaq istəyirəm ki, bloqu tanınmış, məşhur, ziyarət olunan və gələcəkdə ola bilsin, hətta, gəlir gətirən etmək üçün neyləmək lazımdır. Məndən soruşa bilərsiniz ki, – “yəni, sənin bloqun belə məşhurdur ki, bizi öyrədirsən”? Bloqumun nə tanınmış olması, nə məşhurluğu, nə ziyarətçi sayı ilə öyünə bilmərəm, gəlir barədə isə heç söhbət açmalı deyil, amma, bu o demək deyil ki, yazmaq istədiklərimin heç bir mənası yoxdur.

Mən bir bloqçu kimi təzəlikçə fəaliyyətə başlamışam, təqribən cari ilin aprel ayından bəri. Yəni bu işdə xamam. Lakin, bu qısa müddətdə bloqçluğa bir az alışmışam və artıq bu bloq işində azdan-çoxdan nəsə başa düşməyə başlamışam. Bu işdə təzə olduğum üçün, hər şeyi təzə-təzə öyrənirəm və yazım, əsasən, özüm kimi xam bloqçulara yönəlib. Təcrübəli bloqçular üçün, yazdıqlarım, əlbəttə ki, yenilik deyil, bəlkə də gülməlidir. Onlardan xahişim budur ki, səhvlərim olsa düzəltsinlər.